Ջերմային պոմպերի ներդրումը որպես համախառն ներքին արտադրանքի էներգիատարության նվազեցման միջոց
Էլեկտրական կայաններ
Abstract
Դիտարկվում են Հայաստանի Հանրապետության համախառն ներքին արդյունքի (ՀՆԱ)-ի բարձր էներգիատարության նվազեցման մի քանի ուղիներ: Շեշտվում է, որ առանց ՀՆԱ-ի էներգաարդյունավետության բարձրացման՝ հանրապետության տնտեսությունը չի կարող միջազգային շուկայում մրցունակ լինել: Նշվում է էներգաարդյունավետության և էներգախնայողության հասկացությունները տարբերելու անհրաժեշտությունը: Դիտարկվում են երկրում էներգառեսուրսների օգտագործման արդյունավետության վրա ազդող գործոնները, մասնավորապես՝ տնտեսության կառուցվածքը, արդյունաբերությունում էներգատար ճյուղերի առկայությունը, ինչպես նաև բնակլիմայական պայմանները։Մշակվում է տարբեր երկրների էներգաարդյունավետության համեմատման մեթոդ, որը բացառում է կլիմայական գործոնի ազդեցությունը: Որպես ՀՆԱ էներգաարդյունավետության բարձրացման ուղիներից մեկը առաջարկվում է ջերմամատակարարման համակարգերում ջերմային պոմպերի լայն կիրառումը:
