-
2 (18) / 2015Vol 18 No 2 (2015)
Սույն համարում հատուկ ուշադրության է արժանացել կոնտակտային եռակցման էլեկտրոդների համար բարձրամուր կոմպոզիցիոն նյութերի ստեղծման տեխնոլոգիայի մշակումը. բացահայտվել են դիսպերս-ամրացվող փոշենյութերի տեխնոլոգիական և կառուցվածքային առանձնահատկությունները:
-
2 (17) / 2014Vol 17 No 2 (2014)
Սույն համարում հատուկ ուշադրության է արժանացել կոնտակտային եռակցման էլեկտրոդների համար օգտագործվող համաձուլվածքների կառուցվածքագոյացման օրինաչափությունների բացահայտումը, ինչը հնարավորություն է տալիս պղնձի հիմքի վրա մշակել եռակոմպոնենտ համաձուլվածքներ բարձր ֆիզիկա-մեխանիկական հատկություններով և դիմացկունությամբ:
-
1 (21) / 2018Vol 21 No 1 (2018)
Այս համարում հատուկ ուշադրության է արժանացել Թեղուտի հանքավայրի պղնձի օքսիդացած միներալների սուլֆիդացման գործընթացի թերմոդինամիկական հիմնավոր-մանը նվիրված աշխատանքը, ինչը հնարավորություն կտա հանքանյութերի մեխանաքիմի-ական ակտիվացման միջոցով ստանալ սկզբունքորեն նոր, մոդիֆիկացված արգասիքներ` հետագա ֆլոտացմամբ պղնձի կորզման նպատակով:
-
1 (20) / 2017Vol 20 No 1 (2017)
Սույն համարում հատուկ ուշադրության են արժանացել ռենտգենյան ինտերֆերաչա-փերում մուարի պատկերների առաջացման պայմանների հետազոտությունների մեթոդները: Ցույց է տրվել, որ հակադարձ ցանցի վեկտորին և ցրման հարթությանն ուղղահայաց առանցքի շուրջն ատոմական հարթությունների պտույտով առաջացող մուարի պատկերներն անհնար է դիտել սովորական մեթոդներով: Արդյունքում՝ մշակվել է բոլոր երեք առանցքների շուրջն ատոմական հարթությունների պտույտների և միջհարթութ-յունային հեռավորությունների որոշման եղանակ:
-
1 (19) / 2016Vol 19 No 1 (2016)
Հինգերորդ տարին է, ինչ հրատարակվում է ՀԱՊՀ-ի վերակառուցված Բանբերը: Գիտական լայն ընդգրկույթով պոլիտեխնիկական համալիր հանդեսն այսօր միավորում է տեխնիկական գիտությունների՝ Համալսարանին բնորոշ հիմնական բնագավառներում մասնագիտացված վեց պարբերականներ (սերիաներ), որոնցում հրապարակվում են ինչպես համալսարանի ամբիոնների և շուրջ 2 տասնյակ հետազոտական լաբորատորիաների, այնպես էլ նրա գիտական գործընկեր-կազմակերպությունների նորագույն հետազոտությունների արդյունք-ները:
-
1 (18) / 2015Vol 18 No 1 (2015)
Սույն համարում ներկայացված է կիսահաղորդչային բյուրեղների անկատարությունների հետազոտման տարածաչափական մեթոդների վերլուծությունը, որի արդյունքում մշակվել է միաբյուրեղներում արատների հայտնաբերման տարածաչափական տեղագրության կատարյալ մեթոդ: Այն հնարավորություն է տալիս հայտնաբերել և՛ սեգրեգացիայի գծերը, և՛ շեղման գծերը, և՛ տարբեր անկատարությունների մուարի պատկերները:
-
2 (21) / 2018Vol 21 No 2 (2018)
Այս համարում հատուկ ուշադրության են արժանացել նյութերի ֆիզիկամեխանիկական հատկությունների հետազոտման ֆիզիկական նյութագիտության ժամանակակից նվաճումները. մշակվել են նյութի փորձարկման սկզբունքորեն նոր մեթոդներ, նկարագրվել են բերված մեթոդների էությունը, օգտագործվող սարքերի կառուցվածքն ու աշխատանքի սկզբոււնքը, ինչպես նաև ռենտգենյան արատորոշման, արատի պատկերի մեկնաբանման ռենտգենաինտերֆերաչափական մեթոդի, երկպատիկ, եռա- և քառաբյուրեղ ինտերֆերաչափային մեթոդների էությունը:
-
1 (17) / 2014Vol 17 No 1 (2014)
Այս համարում հատուկ ուշադրության է արժանացել մետալուրգիական գործընթացներում կիրառվող մեխանաքիմիական ակտիվացման մեթոդը. մասնավորապես ուսումնասիրվել է Դրմբոնի ոսկի-պղնձային խտանյութերի քիմիական ակտիվացմամբ տարբեր տարբերակներով ինտենսիվացման, ակտիվացման տարբեր տևողություններով նախօրոք մեխանիկական ակտիվացման և ստացված արգասիքների հետագա տարանջատման վարքը:
-
2 (20) / 2017Vol 20 No 2 (2017)
Այս համարում հատուկ ուշադրության է արժանացել Շահումյանի հանքավայրի հանքանյութից ստացված բազմամետաղային խտանյութից ծանր գունավոր մետաղների ընտրողական կորզման նպատակով մշակված տեխնոլոգիան, որը ներառում է ցածր ջերմաստիճանի պայմաններում կատարվող սուլֆատացնող թրծում՝ առավելապես ծանր գունավոր մետաղների սուլֆատներ պարունակող թերայրուկի հետագա տարրալուծմամբ, այսինքն թույլ ծծմբաթթվային լուծույթներում պղնձի, ցինկի և երկաթի սուլֆատների լավ լուծելիության շնորհիվ, ցեմենտացման մեթոդով և էլեկտրոլիզով ընտրողաբար կորզվում են նախ պղինձը, ապա երկաթը, այնուհետև ցինկը:
-
2 (19) / 2016Vol 19 No 2 (2016)
Ձեզ է ներկայացվում Հայաստանի ազգային պոլիտեխնիկական համալսարանի “Բանբեր”-ի “Մետալուրգիա, նյութագիտություն, ընդերքօգտագործում” հանդեսի հերթական համարը՝ նվիրված մետալուրգիայի, նյութագիտության և ընդերքօգտագործման ոլորտներում կատարվող հետազոտություններին: