Changes in polyphos-phoinositides content in nuclear membranes of rat liver and thymus cells under the action of cisplatin
Abstract
Հետազոտվել է առնետների լյարդի և ուրցագեղձի բջիջների կորիզաթաղանթի պոլիֆոսֆոինոզիտիդների բաղադրությունը ցիսպլատինի in vivo ազդեցության դեպքում: Ցույց է տրվել, որ ստուգիչ տարբերակներում մոնոֆոսֆոինոզիտիդների տոկոսային բաղադրությունը ամենաբարձրն է (41-42 %), իսկ տրիֆոսֆոինոզիտիդներինը` նվազագույնը (մոտ 26 %) նշված հյուսվածքների կորիզաթաղանթի պատրաստուկներում: Ցիսպլատինի ներարկումը բերում է մոնոֆոսֆոինոզիտիդների քանակության մոտ 30 %-ով նվազման լյարդի և ավելի քան 10 %-ով նվազման` ուրցագեղձի կորիզաթաղանթների պատրաստուկներում: Մոնոֆոսֆոինոզիտիդների թվաքանակի նվազումը ուղեկցվում է տրիֆոսֆոինոզիտիդների թվաքանակի մեծացմամբ ինչպես լյարդի, այնպես էլ ուրցագեղձի կորիզաթաղանթներում: Ստացված արդյունքները վկայում են այն մասին, որ կորիզաթաղանթների լիպիդների մետաբոլիզմի ճնշման ֆոնի վրա, որը պայմանավորված է ցիսպլատինի in vivo ազդեցությամբ և ուղեկցվում է ֆոսֆոլիպիդների գրեթե բոլոր ֆրակցիաների թվաքանակի նվազմամբ, տրիֆոսֆոինոզիտիդ/մոնոֆոսֆոինոզիտիդ փոխհարաբերությունը զգալիորեն աճում է: Սա նշանակում է, որ հակաուռուցքային դեղամիջոց ցիսպլատինը կարող է ներազդել առնետների լյարդի և ուրցագեղձի բջջակորիզներում ընթացող ֆոսֆոինոզիտիդային մետաբոլիկ ուղու գործունեության վրա: