Gender-related differences of physical parameters of rat erythrocyte membranes
Abstract
Սպեկտրաֆլյուրոմետրային մեթոդով հետազոտվել են արական և իգական սեռի առնետների էրիթրոցիտային ստվերների որոշ կենսաֆիզիկական չափանիշները՝ ֆլյուրեսցենտային զոնդերի՝ ԱՆՍ-ի և պիրենի, կիրառմամբ: Ստացված տվյալների համաձայն, իգական սեռի առանձնյակների էրիթրոցիտային թաղանթների բացասական լիցքն ավելի մեծ է, քան արականների մոտ, սակայն ծայրամասայի սպիտակուցների՝ լիպիդային երկշերտի հետ կապի ուժն ավելի մեծ է արական սեռի
առնետների էրիթրոցիտների թաղանթներում: Թաղանթների մածուցիկությունը ավելի մեծ է իգական սեռի առանձնյակների մոտ, այն դեպքում, երբ լիպիդների փաթեթավորման կոմպակտությունն ավելի փոքր է, քան արական սեռի առնետների էրիթրոցիտային թաղանթներում: Ընդ որում, միկրոմածուցիկությունը արական առնետների էրիթրոցիտային թաղանթներում ավելի մեծ է: Ստացված տվյալները վկայում են այն մասին, որ առկա են էական կառուցվածքային և ֆունկցիոնալ տարբերություններ արական և իգական սեռի առնետների էրիթրոցիտային թաղանթների միջև, որոնք անհրաժեշտ է հաշվի առնել ֆարմակակինետիկական և
ֆարմակադինամիկական հետազոտությունների ժամանակ:
