Սևանա լճի ֆիտոպլանկտոնի հորիզոնական բաշխվածության նկարագիրը 2016թ.
Keywords:
Ֆիտոպլանկտոն – հորիզոնական բաշխվածություն – ջրի «ծաղկում» – դոմինանտ կազմ
Abstract
2016 թ. կատարվել են Սևանա լճի (Մեծ և Փոքր Սևան) լիթորալ, սուբլիթորալ և պելագիալ հատվածների ֆիտոպլանկտոնային համակեցության ուսումնասիրություններ: Պարզվել է, որ լճի երկու հատվածների ֆիտոպլանկտոնային համակեցությունները որոշակիորեն տարբերվել են դոմինանտ կազմով և քանակական ցուցանիշներով: Փոքր Սևանի ֆիտոպլանկտոնում կայուն դիրք են գրավել դիատոմայինները, իսկ Մեծ Սևանում դիտվել է կապտականաչ և էվգլենային ջրիմուռների անկանխատեսելի հերթափոխ: Նախորդ տարվա համեմատ Մեծ Սևանի ափամերձ հատվածներում նկատվել է էվգլենային ջրիմուռների քանակական և որակական ցուցանիշների աճ, ինչպես նաև տարածվածության ընդլայնում: Փոքր Սևանում արձանագրվել է կանաչ ջրիմուռների մասնաբաժնի աճ: