Մեղրախոտի (Stevia rebaudiana Bertoni) էրիթրոպոեզ խթանող ազդեցությունը իմոբիլիզացիոն սթրեսի պայմաններում

Համառոտագիր

Ուսումնասիրվել է ճագարների էրիթրոպոեզի մորֆոֆունկցիոնալ ցուցանիշների փոփոխությունների բնույթը իմոբիլիզացիոն սթրեսի ազդեցության դինամիկայում և կիրառվել է մեղրախոտը (Stevia rebaundiana Bertoni) որպես սթրես կանխարգելող միջոց: Ենթադրվում է, որ մեղրախոտում պարունակվող կենսաբանական ակտիվ նյութերի ազդեցությամբ արյան համակարգը ձեռք է բերում մի շարք հարմարողական փոփոխություններ, որոնք ուղղված են ռեպարացվող գործընթացների ակտիվացմանը, արյան թթվածնային տարողության մեծացմանը, փոխհատուցողական պաշտպանական մեխանիզմների սահմանների լայնացմանը, էրիթրոպոեզում ներգրավված կարգավորիչ կառույցների թվի ավելացմանը: