Արարատյան դաշտի բացօթյա հիդրոպոնիկայի և հողային պայմաններում որոշ ծանր մետաղների կուտակումը համեմունքային բույսերում
Keywords:
ԾՄ-հիդրոպոնիկա – հող – համեմունքային բույսեր – կուտակում
Abstract
Ուսումնասիրվել են որոշ ծանր մետաղների (ԾՄ)` Mn, Ni, Ti, V, Co, Cu, Pb, Mo, Cr, Zr կուտակման առանձնահատկություններն Արարատյան դաշտի բացօթյա հիդրոպոնիկայի և հողային պայմաններում աճեցված համեմունքային բույսերում (ռեհան, սամիթ, համեմ, ծիթրոն): Պարզվել է, որ հիդրոպոնիկական բույսերը ԾՄ-ի պարունակությամբ զիջել են հողայիններին: Pb-ի և Ni-ի պարունակությունը համեմունքային բույսերում գերազանցել է սահմանային թույլատրելի խտությունները (ՍԹԽ)-ն, ընդ որում` հողային բույսերում ավելի մեծ չափով: Արարատյան դաշտում համեմունքային բույսերի արտադրման հիդրոպոնիկական կենսատեխնոլոգիական եղանակն էկոլոգիապես ավելի շահեկան է, քան հողայինը: Մշակվել են էկոլոգիապես անվտանգ գյուղատնտեսական մթերքների ստացման գործնական առաջարկներ: