Բանբեր Երևանի համալսարանի - Ռուս բանասիրություն

Отголоски армянской трагедии в русской поэзии второй половины XX века

2019-01-21T11:01:29+00:00

Հոդվածում արծարծվում է Հայոց ցեղասպանության թեման ռուս բանաստեղծներ Վ. Զվյագինցևայի, Ա. Գիտովիչի, Ա. Տարկովսկու, Մ. Մատուսովսկու, Բ. Չիչիբաբինի, Մ. Դուդինի և այլոց ստեղծագործության մեջ: Նույնիսկ տասնամյակներ անց Հայոց ցեղասպանության թեման խորապես հուզում էր ռուս բանաստեղծներին և դարձել էր Հայաստանի և նրա ժողովրդի ճակատագրի ընկալման անբաժանելի մասը: Առանձնացվել են բանաստեղծությունների բնորոշ մոտիվները. խորը կարեկցանք հայոց ողբերգությանը, ցեղասպանությունն իրագործած Թուրքիայի անպատժելիությունը, պատմական արդարության վերականգնման հույսը, հայ ժողովրդի կենսունակությունը և սերը կյանքի նկատմամբ:

Из архива Левона Мкртчяна. Письма к М. С. Петровых. (1965–1975)

2019-01-21T11:03:58+00:00

Անվանի գրականագետ, ակադեմիկոս Լևոն Մկրտչյանի գիտական, գրական, կազմակերպչական գործունեության առանձնացող ուղղություններից են եղել հայ-ռուսական գրական կապերի զարգացումը, ընդլայնումն ու ամրապնդումը, ինչն արտացոլվել է նրա հրատարակած գործերում: Նշված առումով արժեքավոր շատ նյութեր են պահպանվել նաև Լ. Մկրտչյանի հարուստ արխիվում: Հոդվածում հրապարակվող նամակները ներկայացնում են, թե ինչպես է իրականացվել Լ. Մկրտչյանի նախաձեռնությունը. XX դարի ռուս նրբաշունչ քնարերգու և հայ պոետների նվիրյալ թարգմանիչ Մարիա Պետրովիխի բանաստեղծությունների առաջին հրատարակությունը՝ 1968-ին Երևանում լույս տեսած «Դալնեե դերևո» գիրքը

Над страницами черновиков Марины Цветаевой

2019-01-21T11:06:27+00:00

Մ. Ցվետաևայի ժառանգության պահպանման ու հրատարակման, նրա ձեռագրերը, սևագիր բազում տարբերակները, գրառումները վերծանելու գործում անգնահատելի է բանաստեղծուհու դստեր՝ Արիադնա Էֆրոնի ներդրումը: Հոդվածում գնահատվում է Էֆրոնի կատարած աշխատանքը և առաջին անգամ գիտական շրջանառության մեջ են դրվում արխիվային նյութեր, որոնք լույս են սփռում բանաստեղծուհու ստեղծագործական լաբորատորիայի նրբությունների վրա:

«Роковой ряд» В. Брюсова и проблемы поэтики венка сонетов

2019-01-21T11:08:52+00:00

Հոդվածը նվիրված է Վ. Բրյուսովի «Ճակատագրական շարքի» ուսումնասիրմանը սոնետների պսակի տեսության դիտանկյունից: Սոնետների պսակը դիտվում է որպես գերտեքստային մակարդակի երևույթ, և այդ համատեքստում ուսումնասիրվում են մագիստրալի և հիմնական մասի միջտեքստային փոխազդեցությունները, ինչպես նաև հիմնական մասի տեքստերի հարաբերությունները: Ի հայտ է բերվել միջտեքստային կապերի երկու խումբ՝ պարտադիր ու հավելյալ և ուսումնասիրվել է դրանց գործառույթը «Ճակատագրական շարք» սոնետների պսակի համատեքստում:

Книга и сад в поэзии Н. Заболоцкого 1930-х годов

2019-01-21T11:12:03+00:00

Գրքի և այգու պատկերները, լինելով ավանդական համաշխարհային գրականության մեջ, Զաբոլոցկու 30-ական թվականների ստեղծագործություններում ստանում են նոր իմաստավորում, որը տարբերվում է նրանց նշանակություններից նախորդ գրականության մեջ, նրանք արտացոլում են բանաստեղծի աշխարհայացքի յուրահատկությունը և նրա վերաբերմունքը XX դարի 30-ական թվականների ողբերգական էջերի հանդեպ.

К вопросу персуазивности в художественном тексте

2019-01-21T11:15:26+00:00

Ինչպես հայտնի է, պերսուազիվ կարգը արտահայտում է խոսողի համոզվածության աստիճանը նախադասության մեջ արտացոլված օբյեկտիվ իրականության հավաստիության վերաբերյալ: Սույն հոդվածը նվիրված է պերսուազիվ կարգի որոշ հնարավորությունների լուսաբանմանը: Հոդվածի նպատակն է մեկնաբանել դիտարկվող կարգի հնարավորությունները գեղարվեստական տեքստի ձևի, գաղափարաիմաստային, փիլիսոփայական, հուզական ծավալի կառուցման մեջ:

От формы к значению (вопросы словообразования)

2019-01-21T11:17:47+00:00

Հոդվածում քննարկվում են համեմատական (հայերեն – ռուսերեն) բառակազմության այնպիսի ձևեր, որոնք թույլ են տալիս բացահայտել երկու ժողովուրդների աշխարհի լեզվական պատկերների միջև եղած տարբերությունը: