The Armenian Genocide after the Cold War and the Eight Phases of G.H. Stanton
Abstract
Օսմանյան կայսրությունում դարեր շարունակ ապրած հայերը անուրանալի ներդրում ունեն այդ տարածքում ապրող մյուս ժողովուրդների մշակութային, քաղաքական, ֆինանսական, սոցիալ-տնտեսական և այլ ոլորտներում: Սակայն հայերի ներկայությունը կայսրությունում նաև խոչընդոտ էր երիտթուրքերի և Մուստաֆա Քեմալի կողմնակիցների համար նրանց ազգայնամոլական-ռասիստական ծրագրերն իրականացնելու ճանապարհին: Առաջին աշխարհամարտի սկզբին սկսված հալածանքները հայերի նկատմամբ ավելի սրվեցին այս պատերազմի ընթացքում և շարունակվեցին նաև 1919-1923 թվականներին ու դրանից հետո, երբ Մուստաֆա Քեմալը ստանձնեց երերացող Օսմանյան կայսրության իշխանությունը: Հայոց ցեղասպանությունը մարդկության դեմ ուղղված ամենամեծ հանցագործություններից է, որը դեռևս անպատիժ է մնացել: Ոչնչացվել է նաև Օսմանյան կայսրության տարածքում բնակված հույների պատմության կարևոր մասը: Սույն հոդվածը վերլուծում է Հայոց ցեղասպանության պատմությունը և ներկայիս այն դրույթները, որոնք վերաբերում են մի շարք միջազգային ակտերի՝ հատկապես ցեղասպանության հարցին սառը պատերազմից հետո և Գ. Հ. Սթանթոնի ութ փուլերին: