Армянские первоисточники об образовании грузинского царства Багратидов (общие наблюдения)
Abstract
Բագրատունիների վրացական թագավորության ձևավորման վերաբերյալ պատմագիտության մեջ արտահայտվել են տարաբնույթ կարծիքներ, որոնք առնչվում են ինչպես այդ թագավորության սկզբնավորման թվականին, այնպես էլ վրացական Բագրատունիների ծագմանն ու նրանց թագավորության սահմաններին:
Բագրատունիները հայկական սկզբնաղբյուրներում ներկայացված են որպես իշխանական տոհմ, որը հին ժամանակներից սկսած կարևոր դերակատարություն է ունեցել Հայաստանում, իսկ խնդրո առարկա շրջանում հիմնել է երկու թագավորություն` հայկական և վրացական: Բագրատունիների վրացական թագավորության ձևավորման վերաբերյալ հայկական սկզբնաղբյուրների տեղեկությունները կարելի է պայմանականորեն բաժանել երեք պարբերաշրջանի.
- Մեծ Հայքի Կղարջք գավառում Ատրներսեհ կուրապաղատ Բագրատունու իշխանության և Բագրատունիների թագավորության ձևավորման շրջան,
- այդ թագավորության հզորացման և ընդարձակման շրջան,
- Բագրատունիների գլխավորությամբ Աբխազա-վրացական թագավորության ձևավորման շրջան:
Բագրատունիների վրացական թագավորության վերաբերյալ հայկական սկզբնաղբյուրների տեղեկությունների քննությունը կատարվել է նշված պարբերացման համաձայն:
